粒粒脆是广东佛山地区传统小吃，南乳肉，粒粒脆呀──南乳肉。四、五十年代的佛山街头，这种男低音的叫卖声，常常是在夜澜人静的街巷发出的，并且伴随着一种什么物体碰撞石板路的『笃笃』声。这种多少带点哀求似的叫卖声，让人听起来不免有点悲凉。而叫卖者一律是盲公。

南乳花生肉，相传由清未“盲公德”所创。他把花生仁用南乳酱水泡浸一夜，凉干。然后用大铁锅内装大粒黄砂和花生仁一起炒熟，即成粒粒脆的南乳花生肉了。

南乳肉一般系散卖，用个大玻璃缸装住。老窦做细路嗰个年代，系用旧新闻纸折成雪糕筒装包南乳肉，计价单位为一豪子一筒，大概有廿零卅粒。我做小学生嗰阵呢，就五豪子或一蚊一袋，用塑料袋装嘅。得到一包南乳肉，我哋都会先对住袋花生吹几口气，松薄嘅花生衣就会随风飘起。呢个做法，一嚟系孩童玩意，睇住花生衣飞起觉得好好玩；二嚟花生衣会黐喉咙，一般唔食。我同同学最钟意就系上课偷食南乳肉，因为佢细细粒，手捻一粒，喺老师眼皮底都可以迅速放入口。又因为南乳肉好脆，食起嚟会发出“咯咯”声，所以我哋都会将花生含到软熟啲先慢慢咬。而老窦则系整蛊戏院门前嘅南乳肉盲眼阿伯，用假银纸买南乳肉，试下阿伯系真盲定系假盲。阿伯每次收到假银纸，都会顺手攞起盲公竹失惊冇神向细路大力打去，成班细路就会一哄而散。

话说我哋屋企以前炸南乳蛋散，用南乳搓粉，出品系就系有南乳味，但就红黐黐，唔好睇。后嚟有人过招，话拍烂蒜头浸盐水，搓入粉中，蛋散就会有南乳味。果然如此。南乳肉嘅“南乳”味，到底系出自真南乳，定系蒜头开盐水呢？噉我就唔知嘞。